A Concellaría de Cultura que dirixe Ana Bello, a través da Rede de Bibliotecas Municipais de Arteixo convoca Concurso Poético de Homenaxe a Rosalía de Castro.
Tedes as bases do mesmo na ligazón que segue a continuación:
É un concurso orientado para a rapazada alumna de 4º, 5º e 6º de Primaria que desexe participar, e que mostrando a súa capacidade poética pode gañar diferentes premios na forma de lotes de libros e unha tablet para a gañadora ou gañador absoluto entre toda a rapazada participante.
Esta homenaxe poética vense a festexar arredor do Día de Rosalía. O recital poético dos poemas compostos e a entrega de premios celebrarase o día 26 de febreiro ás 11.30 horas na Biblioteca Central «Henrique Rabuñal».
Para calquera dúbida ou aclaración podes chamar ao teléfono 981 659106 ou no correo electrónico biblioteca@arteixo.org.
Inspírate e participa co teu poema!